მინიმა

მიწა გაიჭრა ვერტიკალურად,
ცა - არაფრისფერი იყო,
როცა აგაცილე სახლში.
-----------------------

ღრუბელმა იმშობიარა
და ტყუპი გუბე
ჩემთან მოახლოვებას გიშლის.
-----------------------

ლოცვამ -
გოდებისგან პირშეკრულ აკლდამას
ეპიტაფია გამოუძერწა.
-----------------------

მეზობლის არაფრისმთქმელი თვალები,
ბავშვის გაბეცებული სახე,
მოვაჭრის ჩხუბი - პატარა უბანში.
-----------------------

ფილტვებს - მომწყდარი უჰაერობა
გაზაფხულის რძისფერმა ჰავამ
გაუქრო.
-----------------------

საათის ისარი სამს მიესტუმრა.
როგორც მე - შენს სადარბაზოს.
ის „ისრით“ მე „თაიგულით“
-----------------------

კოცნამ -
ჟანგმოდებული ტუჩებიდან
მაგრგალიტების მძივი ჩამოხსნა.
-----------------------

შენს ლოდინში
სიგარეტის ნამწვავებით,
წვიმის ღვარცოფს ბარიერი შევუქმენი.
-----------------------
- ავტორი: დ. კამკამიძე